22.07.2018 18:29

346.68
404.02
51.15
5.1
5.47
72.23


Өндіріс орындарында 20 мыңға жуық жас еңбек етеді

Бейсенбі, 04 Қаңтар 2018 11:56

Оңтүстік Қазақстан облысында бүгінде 800 мыңға жуық жастар бар. Ол облыс халқының жалпы санынан 26 пайызын құрайды.

Осы жастарымыздың 20 мыңға жуығы Оңтүстік өңіріндегі  306 өндіріс орындарында еңбек етуде. Мәселен,  «Әлем БТ» шұлық шығаратын фабрикадағы ұжымның 90 пайызға жуығы жастардан құрылған. Ал «Кентау трансформатор зауыты» АҚ, «ҚазТрансОйл» АҚ, «Қазақтелеком» АҚ, «Бал текстил» ЖШС, «Стандарт цемент» ЖШС, «Химфарм» АҚ, «Атамекен» корпорациясы» ЖШС-дегі  жұмысшылардың 50 пайыздан астамы жастар.

Жалпы облыста қысқа мерзімді кәсіптік оқыту бағдарламасы бойынша мамандығы жоқ азаматтар мен еңбек нарығының сұранысына орай 12 159 азамат мамандық алдық. Сонымен қатар, ауыл жастарын қолдап-қуаттау мақсатында облыс әкімінің тапсырмасымен  «Әр ауылға өз шебері» акциясы аясында ауылдардағы бірінші кезектегі қажетті мамандар тізімі нақтыланып, 15 мамандық бойынша 9253 азаматқа кәсіптік білім берілсе, олардың 5 150-і жастар. Ал, «Бастау–Бизнес» жобасымен 1 509 азамат  кәсіпкерлік негіздері бойынша оқу курстарына жолданса, оның ішінде 369-ы жастар. Бүгінге дейін 790 азаматқа шағын несие берілсе, оның ішінде 247-і жастар болып табылады. Мұның бәрі Елбасының тегін кәсіптік-техникалық білім алуды жүзеге асыру тапсырмасы бойынша орындалуда.

 

АҚПАРАТ

Оңтүстік Қазақстан облысында жастар практикасымен 14 689 жас тұрақты жұмыспен қамтылды. Ал «Дипломмен ауылға» бағдарламасымен осы уақытқа дейін 6 мыңнан астам  маман жұмысқа орналасты. 2017 жылы республика бойынша 3232 жас маманға тұрғын үй беру жоспарланса, оның ішінде 9,3 пайызы немесе 303-і Оңтүстіктің үлесінде. Ал  республика көлемінде 5 896 жас маманға бір жолғы көтермелеу жәрдемақысы төленсе, оның ішінде 15,2 пайызы немесе 897-сі осы облыстың жастары. Сондай-ақ, 315 жасқа тұрғын үй берілді.

Сонымен қатар, жастар арасындағы шағын кәсіпкерлікті дамыту үшін «Ырыс» микро қаржы ұйымы 100 млн теңге көлемінде кепілсіз  несие берілді. Бұл кемінде 50 жастың өз кәсібін ашуға мүмкіндік туғызды.

comments powered by HyperComments

Жұмыс

<
1 - 10
>
JoomShaper