13.11.2019 09:17

388.81
429.01
55.49
5.57
6.08
67.45


Темекі түтінінен шылым шекпейтіндер де зардап шегеді

Жұма, 31 Мамыр 2019 10:57

31 мамыр – Дүниежүзілік темекіге қарсы күрес күні. Дүниежүзілік денсаулық сақтау ұйымы осы күн қарсаңында шылымның зияны туралы тағы да ескертеді. Себебі темекі ауаны ластап қана қоймай, түтінді жұтқан адамдарға да қатты қауіп төндіреді. Мамандардың айтуынша, оның құрамындағы 7 мыңнан астам химиялық заттың 70-ке жуығы көпшілік жақсы білетін канцерогендер қатарына жатады. 

«Қазір иісі жоқ темекілер де шығып жатыр. Бірақ бұл оның адамзатқа келтірер залалын төмендете алмайды. Өйткені 5 сағатқа дейін әуеде қалықтап тұратын темекі түтіні айналадағы адамарға өкпе обыры, созылмалы респираторлық ауруларға шалдығу қаупін төндіреді», - деп хабарлайды Дүниежүзілік денсаулық сақтау ұйымы.

Алайда, темекінің шылым шекпейтін адамдарға да зияны барын көпшілік біле бермейді. Мысалы, анасы жүкті кезде шылым шеккен немесе өзгелер тартқан темекінің түтінін жиі жұтқан баланың дамуы кенжелеп, өкпесі дамымай қалуы мүмкін. Ал, үйде ылғи да темекі түтінін жұтып өсетін кішкентай бүлдіршіндердің демікпе, пневмония, бронхит сынды тыныс жолдарының ауруларына шалдығу қаупі жоғары болмақ.

Статистикаға сүйенсек, әлемде пассивті шылымқорлықтан болатын жұқпалы рсепираторлық аурулардан жасы 5-ке толмаған 165 мың бала көз жұмады екен. Ал, ересек жасқа жеткен күннің өзінде мұндай аурулармен көп ауырған балалардың құлан-таза айығып кетуі екіталай, дейді мамандар.

Шын мәнінде, егер ішкі органдарды жыл сайын тексеріп отыратын болса мұның алдын алуға болар еді. Темекі шегетіндер үшін жүрек пен өкпені тұрақты бақылауда ұстаудың маңызы зор. Оның үстіне, мемлекет халыққа жәрдем ретінде кепілдендірілген тегін медициналық көмек пакетін ұсынады және оны еліміздің кез-келген тұрғыны пайдалана алады. Организмде шылымның салдарынан болып жатқан өзгерістер мен ауытқуларды осы процедуралар арқылы ертерек анықтауға болады. Биылғы жылы Алматы қаласында мемлекеттік тапсырысты 184 медицина ұйымы орындап жатыр.

comments powered by HyperComments

Жұмыс

<
1 - 10
>
JoomShaper