24.01.2019 06:11

378.54
429.79
55.82
5.43
5.72
71.19


«ҚазТрансГаз» 500 млн АҚШ доллары сомасына алынған банктік қарызды мерзімінен бұрын өтеді

Сейсенбі, 25 Желтоқсан 2018 14:21

ҚазТрансГаз Қытай Даму Банкінен алған қарыз бойынша 500 млн АҚШ долларын мерзімінен бұрын өтеп, несие мерзімін 2 жылға қысқартты.

Бұл жөнінде «ҚазТрансГаз» АҚ баспасөз қызметі хабарлады.

«ҚазТрансГаз» компаниясының еншілес ұйымы «Азиялық Газ құбыры» ЖШС «Қазақстан-Қытай»  магистральдық газ құбырын салу жобасын іске асыру мақсатында 2008 және 2012 жылдары Қытай Ұлттық Мұнай-газ Корпорациясының 100 пайыздық корпоративтік кепілімен жалпы сомасы 10,2 млрд АҚШ долларына синдикатталған банктік қарыз алды.

Бүгінгі таңда екі қарыз бойынша берешек сомасы 5,2 млрд долларын құрайды. Осы кезең ішінде «ҚазТрансГаз» АҚ борыштық жүктемені төмендетуге бағытталған бірқатар мәмілелерді табысты жүргізді, оның нәтижесінде осы қарыздар бойынша борыштық міндеттемені 5 млрд долларына азайтты, оның ішінде мерзімінен бұрын – 1 млрд 450 млн доллары өтелді.

2018 жылдың 20 желтоқсанда «ҚазТрансГаз» АҚ қосымша 800 млн долларын өтеді, оның 500 млн доллары – мерзімінен бұрын. Мерзімінен бұрын өтеу қарыздар бойынша 600 млн астам АҚШ долларын үнемдеуге мүмкіндік берді, ал қарыз қайтару мерзімі  2 жылға қысқартылды.

«Қазақстан-Қытай»  магистральдық газ құбыры іске қосылғалы бері 250 млрд текше метрден астам ортаазиялық газ тасымалданды және 11 млрд доллардан астам қаражат түсті.

comments powered by HyperComments

Жұмыс

<
1 - 10
>
JoomShaper